Tur candidato político mester duna cuenta di loke nan a haya for di sponser y donación

Conforme e ley pa partidonan politico, desde prome di januari 2021 partidonan politico mester duna cuenta di nan finansa na un Comision Finansa Partidonan Politico (Commissie financiën politieke partijen).

E Presidente di Conseho Electoral, drs. Glenn Thode ta Presidente di e Comision aki tambe. Alrededor di eleccion candidatonan riba lista y partidonan politico mester duna cuenta n’e Comision di locualnan a haya di nan sponsor y donadornan.

E Comision Finansa Partidonan Politico a notifica e partidonan politico y candidatonan riba lista di nan obligacionnan y lo publica e informacionnan aki via di e website di Censo bou di e link Verkiezingen 2021 pronto.