Dos persona herida den accidente serio diamars anochi pariba di Aeropuerto

Diamars anochi pasa di 10’or, informacion a drenta di un accidente serca e cura di Aeropuerto y tambe cu lo tin hende herida.

Mesora patruyanan policial riba caya y den cercania a tuma direccion p’e sitio.

Den prome instante a ser bisa cu un auto lo a bolter, pero na yegada Polisnan a topa cu un Hyundai Accent hopi destruí. 

Ta mustra cu velocidad halto a hunga un rol y a pone cu e chauffeur di e auto a perde control completo riba e vehiculo. Esaki a pone cu e Hyundai Accent a bay dal contra cura di Hyatt Place, un impacto hopi fuerte.

Dos ambulance a presenta pa atende cu esnan herida y despues transporta nan cu mester bay Hospital pa mas atencion medico.