Prosedura renobá pa establesé skol nobo na Hulanda Karibense

KRALENDIJK – For di promé di yüni, e lei resien introdusí “Mas espasio pa skolnan nobo” (Meer Ruimte voor Nieuwe Scholen) ta na vigor na Hulanda Karibense. E lei aki ta modernisá e reglanan pa establesé un skol nobo den enseñansa primario i sekundario. Tin mas atenshon pa mira  si tin sufisiente interes pa un skol nobo i si esaki lo por ofresé sufisiente kalidat.

Tur hende na Hulanda Karibense por establesé un skol ku enseñans di akuerdo ku su propio religion i/òf filosofia di bida. Ministerio di Enseñans, Kultura i Siensia (OCW) ta kontrolá kalidat di enseñans i ta finansiá edukashon públiko i spesial na Hulanda Karibense. Dienst Uitvoering Onderwijs (DUO) ta sòru pa finansiamentu di e skol nobo. Esaki tin kondishon mará na dje. Banda di un skol nobo (pa enseñans primario òf sekundario) tambe ta posibel pa establesé un ‘dependance’ di un skol sekundario eksistente.

Pa mas informashon

Pa mas informashon tokante di e prosedura i kondishonnan pa establesé un skol nobo, por wak riba e wèpsait di OCW na Hulanda Karibense: https://www.rijksdienstcn.com/onderwijs-cultuur-wetenschap bou di e menú “Lanta un skol nobo”.