3 Persona herida den un accidente na Pos Abao

Diabierna merdia pasa di 3’or unidadnan di rescate a sali p’e crusada conoci pa accidente na Pos Abou. Eynan a sosode un accidente serio unda lo tabatin varios herido.

Mesora unidadnan riba caya di Cuerpo Policial a bay e sitio p’asina tuma nota di kico tur tabata pasando y tambe check cuanto herido tin. E accidente tabata entre un Honda Fit y un Nissan March.

Debi n’e impacto e Honda a bay cay den e greppel banda di pazuid, unda un persona a keda pega y tabatin mester di unidad di rescate di Brandweer saca e persona.

Caminda a wordo sera, unda cu e personal di Ambulance, Brandweer y Polis por a haci nan trabou den trankilidad.

Ambulance a transporta dos persona cu tabata den e March pa Hospital y despues di algun rato cu bomberonan a libera e persona for di e Honda Fit e tambe a wordo transporta cu Ambulance pa Hospital. 

Polis di trafico a pidi BFTO n’e sitio p’asina tuma imagennan di e accidente p’esakinan wordo usa den e investigacion.

E accidente mes ta mustra falta di preferencia t’e causa, pero esey Polis di Trafico lo mester bay saca afo.