Re-apertura despues di renobashon di Mongui Maduro Museum

WILLEMSTAD – Diahuebs anochi señora Michèle Russel-Capriles a realisa e akto di re-apertura di Mongui Maduro Museum ofisialmente despues ku for di dékadanan 60 di siglo pasá Mongui Maduro Library & Museum tabata akomodá den e museo.

Na 2010 e kolekshon di buki, foto i otro dokumemto a keda rasladá p’e biblioteka moderno Mongui Maduro Library, e meubelnan antik i artefaktonan di famia a keda den e lokalidat.

Na 2019 direktiva di Stichting S.A.L. (Mongui) Maduro a disidi di hasi un renobashon profundo dje landhuis i ekipa e museo di nobo.

A pidi Thamara Moreno-Vervuurt, kende ta Direktor di Maritiem Museum na Scharloo, pa desaroya e eksposishon nobo i permanente i ku e material aki Thamara huntu ku e historiador di arte Gerda Gehlen a konstrui kuater generashon  di vida di Levy Maduro,

Banda di historial dje ultimo kuater doñonan di e landhuis i su interior, bishitantenan por biba  e desaroyio kultural i ekonomiko di Korsoui i Karibe for di 1837 te awe.

E museo ta habri for di djamars te ku djabierne for di 9’or te 2’or  i ora tin barku di turista lo e habri mas ora.