Oficial di Polis Paola Kock a mustra con el a y ta wordo persigui despues di a atende caso di abuso di yiu di un politico

Candidato riba lista di MEP, Rocco Tjon ta aspirando pa bira Minister di Husticia den un futuro Gobierno di MEP, pero ayera tardi e funcionario policial Paolo Kock a mustra cu e deseo aki di e político, no ta cuadra cu su comportacion den comunidad.

Esaki ta parti di e declaracion duna ayera p’e oficial di polis aki, kende pa un tempo caba a wordo geschors y despues retira for di Cuerpo Policial, probablemente pa su envolvimento den un caso di abuso contra di un criatura di 12 aña, yiu di e candidato di partido MEP.

Ta un caso cu tin algun tempo caba andando, cu a bin den publicidad dor di otro politico, kende ta Melvin Tromp di partido AVP y kende Rocco Tjon hasta a hiba e candidato di AVP Corte  y prohibi’e su persona di yama Tjon un pedofiel.

Ayera tardi manera na Hulandes ta wordo bisa, “als donderslag bij heldere hemel,” e oficial di polis aki, Paola Kock di sali dilanti y confirma e caso di  actonan incorecto a comete contra di su yiu muher y con e caso aki tabatin un impacto riba bida di e oficial di Polis.

No solamente p’e hecho cu el a traha un raport contra di e oficial halto di Polis Rocco Tjon, pero  el a wordo suspendi temporalmente pa motibo cu segun Mando Policial, e lo a hinca bida di un otro oficial den peliger.

Paola Kock a mustra cu pa 11 aña largo e declaracion di e criatura chikito aki cu a papia su dilanti loke su tata a haci cune, a marca su bida pa semper y awor e por mira con e politico ta pretende di sigui dilanti cu su carera politico, sin cu e ta sincero cu comunidad.

Paola a wordo persigui den Cuerpo Policial, tanto den su derecho pa solicita pa bira Hoofd Agent, siguiente e procedura  normal, pero sin cu el a wordo tuma na serio y no a atende su derecho wordo respeta.

Pa colmo den e proceso p’e bira un Hoofd Agent den varios Departamento di Polis, tabata Rocco Tjon, kende tabata presidi e comisionnan aki y nunca el a haya loke su persona tabatin derecho ariba.

Desde 2018 Paola Kock ta den un confrontacion cu Mando Policial caminda el a bay Corte y a haya rason cu e no por wordo retira como oficial di Polis, pero tog esaki ta tumando lugar y awor ta luchando p’e ricibi loke e tin derecho riba tanto como ciudadano di e pais aki como oficial integro di Polis.

HOF

Fuera di e declaracion di e oficial di Polis Kock, tambe a circula e decision di Corte Superior di Aruba, Corsou  y Sint Maarten, caminda a confirma cu mama di e criatura tabatin tur derecho di opone y desconfianza pa su yiu tin contacto cu su tata Rocco Tjon.

Parti di esaki AWEMainta ta mustra:

Beoordeling 3.1. Op basis van de stukken en de waarneming van het Hof ter zitting in hoger beroep kan niet anders worden geconcludeerd dan dat de weerstand en het wantrouwen van de moeder, bij wie het kind verblijft, te sterk zijn om verantwoord een gezamenlijk gezag en een omgangsregeling vast te stellen. Het Hof ziet geen mogelijkheden deze weerstand en dit wantrouwen te doorbreken.

Pues cu otro palabra Corte Superior den su sentencia dia 26 di maart di 2013,  a conclui cu e resistencia di mama di e criatura p’e tata tin contacto cu e mucha y su desconfiansa cu e tin cu  e mesun tata aki, esta Rocco Tjon, ta  mucho fuerte pa Hof permiti p’e tata tin contacto cu su propio yiu.

E caso ta algo serio, un caso cu henter comunidad ta luchando contra, pero e oficial di Polis Kock a mustra cu su decision di bin dilanti awe no tin nada di haber cu politica, pero si cu e inhusticia cu e ta parti di dje y caminda el a wordo persigui for di propio Cuerpo di Polis.