“Seat capacity” na Aeropuerto ta sigui aumenta mirando cu aerolineanan ta sigui aumenta cantidad di buelo den zomer pa alcansa e demanda creciente

Aruba Airport Authority N.V. (AAA), compania cu ta maneha y opera Aeropuerto Internacional Reina Beatrix (Aeropuerto di Aruba) ta raporta e siguiente informacionnan di trafico aereo:

  • Aeropuerto di Aruba lo opera 80% di su schedulenan di juni 2019 (prome cu pandemia) den 2021. Tur region a mustra aumento e luna aki.
  • E averahe di “load factor” di pasahero na salida ta 69.5%, compara cu 85% na 2019.
  • Cantidad di servicio: 25 pa dia, compara cu 35 na 2019.

Aerolineanan ta agregando mas ruta nobo y ta rebibando rutanan bieu, mirando cu pasaheronan kier biaha pa placer den zomer, si mira cu e percentahe di personanan vacuna ta sigui aumenta na Merca.

Segun e schedulenan di Cirium combina cu e configuracion di asiento di CAPA Fleet Database, Aeropuerto di Aruba su schedulenan di buelo (cu ta traduci den “air seat capacity”) p’e tercer kwartaal y Winter 2021-2022 ainda ta mustra recuperacion di 83% y 94% di e nivelnan di 2019.

Latino America ta sigui corta mas hopi en comparacion cu e otro regionnan. Obstante esaki, e ta sigui un tendencia di mehoracion modesto desde medio spril pa lat den mei cu Brazil, Argentina y Colombia teniendo e cantidadnan mas halto di casonan den Sur America. 

E capacidad general di asiento ta mustra di ta 80% di e nivelnan prome cu e pandemia entre juni cu deptember, yegando 94% entre november cu december, dependiendo riba e exito di e programa di vacunacion Latino Americano y e recuperacion di e mercado di aviacion “multi-speed”, cu e potencial general di trafico pa winter di 75-100%.

Zomer 2021 | “Highlights” di e schedule:

Norte America

  • American Airlines a aumenta buelonan diario (7) for di Charlotte na 3 buelo diario (21) pa e lunanan peak Juni y Juli.
  • American Airlines a reanuda 1 buelo semanal riba Diasabra for di La Guardia desde 12 di Juni.
  • United Airlines a aumenta servicio for di Washington for di 3 buelo semanal pa 1 buelo diario (7) den Juni. 
  • JetBlue lo aumenta servicio for di JFK for di 14 pa 17 buelo semanal na Juli.
  • WestJet su fecha tentativo pa cuminsa bek ta 6 di November, 2021, cu 2 buelo semanal for di Toronto.
  • Air Canada su fecha tentativo pa cuminsa bek ta 11 di September, 2021 cu 2 buelo semanal for di Toronto.

Latino America

  • Avianca tin plan pa aumenta servicio for di 4 pa 5 buelo semanal (buelo di Diaranson) for di Bogota pa e lunanan peak di Zomer cu ta july – augustus.

Europa

  • KLM lo cuminsa cu buelonan diario (awor tin 6 buelo pa siman) for di Amsterdam (via Boneiro) na juli.
  • KLM a agrega 3 buelo semanal extra p’e simannan peak di Zomer for di 23 di juli pa 15 di augustus, 2021.
  • TUI NL a aumenta servicio for di 1 pa 3 buelo semanal for di Amsterdam (via Curacao) den juni y ta plania pa agrega 1 buelo extra riba diamars cuminsando 6 di juli te cu october 2021.
  • TUI UK ta plania pa cuminsa bek cu 1 buelo semanal pa henter aña for di Gatwick desde 7 di juli, 2021, pendiente e revision di e Gobierno Ingles di paisnan cu ta cai den e categoria berde. 

Aeropuerto di Aruba ta sigui actualiza e informacion riba e aerolineanan segun informacion ta bira disponibel. E schedulenan di buelo ta cambia constantemente y por cambia na cualkier momento di dia.

Bishita e pagina di “Flight Schedules” pa mira e schedule detaya di Zomer y e ultimo informacionnan confirma ricibi for di aerolineanan partner na https://www.airportaruba.com/flight-schedules.

“E atmosfera di demanda ta indiscutiblemente positivo cu nos aerolineanan agregando capacidad y destinacionnan nobo dor di aumenta frecuencia di buelo. Nos ta sigur cu nos ta bay bolbe mira volumennan halto den e lunanan importante di e kwartaal cu ta juli, augustus y september,” Aeropuerto di Aruba su Air Service Development Manager sra. Jo-Anne Meaux-Arends.