ARA a informa Gobernador cu tin un retraso di Cuentanan Annual y esaki no ta bon pa democracia

Frederick Nuboer, Presidente di Algemene Rekenkamer (ARA) durante su audiencia na Gobernador Alfonso Boekhoudt diaranson mainta, a comenta cu ARA a tuma nota di e eleccion, cual tabatin un cambio grandi den e manera cu a parti e asientonan.

Gobierno actual di un acuerdo cu Hulanda y esey mester cumpli cu nan tambe. Tin un proceso andando specialmente p’e cuentanan anual di pais Aruba.

Lamentablemente mester constata cu tin un retraso di 2019 y aworaki na 2020, ARA mester a haya dia 1 di juni 2021 e cuentanan anual di 2020, cual nan no a ricibi. E proceso a tranca.

Frederick Nuboer a comenta cu nan a tuma nota cu a tuma cu cierto decision pa cuminsa bek. Pero september t’eynan y e trabao di controla e cuentanan anual no por sosode.

Esaki ta un proceso cu un pais madura pa 35 aña cu Status no por tin. E ta pone nos bao nivel.

Mirando e acuerdonan traha cu Hulanda, ya caba mester constata cu no ta wantando na acuerdonan. E acuerdonan ta traha cu na dado momento por yega na cuentanan anual cu tin declaracionnan acorda pa un accountant externo.

ARA di su banda kier haci tur cos pa por yega na un tipo di declaracion asina ey. Pero mester constata cu no t’eynan ainda.

E 4 añanan cu ta sigui mester traha duro y  hunto pa por yega na cuentanan anual ‘goedgekeurd’. Esey ta nifica cu leynan mester cambia, hendenan mester ta entrena y poni na diferente departamento cu eynan caba e control ta cuminsa. Proximamente ARA lo publica un raport di FASE. E raport ta den su parti final. Pero eynan ta bay mustra kico a bay bon y kico a bay malo cu e programa di FASE cu ta paga n’e momentonan aki.