Ex-candidato di HTC a wordo deteni cu boei y wordo hiba hospital

Ayera parti atardi, tabatin conflicto entre e hoben Michelangelo Celestijn (ex-candidato di HTC) y personal di seguridad na Departamento di Impuesto (DIMP), unda cu nan a exigi e hoben pa bisti mondkap, pero a rechasa di haci esaki.

E mama di e hoben cu tambe tabata presente, a splica cu trahadornan a bisa cu solamente n’e caha ora ta paga mester tin mondkap bisti y cu nan tabata actua segun regla.

Despues di algun discusion, seguridad a saca e hoben for di e edificio y a yama pa presencia di Polis, unda cu a boei e y want’e riba flur. Segun e mama e hoben no por a hala rosea bon dor di e higra di solo y na dado momento no tabata reacciona mas.

Ademas e mama ta splica cu su yiu ta sufri di un condicion di curason. Pues despues di un rato a yama pa presencia di ambulance pa hib’e hospital y haya atencion medico.

Algun tempo despues, partido HTC, na kende e hoben tabata pertenece como candidato nr. 2 riba lista, a anuncia cu a saca Michelango afo y a publica e lista nobo di 2021-2025.

Ayera tardi e mama a denuncia e maltrato cu su yiu a haya.