Lidernan di partido politico a presenta na Censo, P’e confusion envolviendo conteo oficial di voto, demandando un reconteo

T’asina cu despues di e resultado di dia 25 di juni, tabatin hende cu a duda den e proceso di conteo oficial cu Conseho Electoral cu ta encarga di tur eleccion.

AVP e.o por ehempel, a bay ariba y abou pa un reconteo di e 893 votonan invalido.

Segun conteo di e partido mes, pa solamente menos di 60 voto so nan a perde un restzetel y a exigi pa CSE haci un reconteo di e cantidad halto di votonan invaldio prome cu diaranson.

Ayera mainta, lider di partido MAS, Marisol Lopez Tromp, como otro lidernan tambe, a presenta na Hoofdstembureau pa directamente vocifera e duda den e proceso di voto y conteo di esaki cu a tuma lugar dia 25.

Aquannette A. Gunn, candidato nr. 2 riba lista di MAS, a reclama cu riba dia di eleccion a bay cu su famia na Fatima College, urna 29, pa vota, pero cu na final di resultado a haya 0 voto total.

“Anto esey cu nan a tuma mas di 8 ora pa haci conteo. Sin duda algun mi ta bay haci apelacion pa reconteo di votonan na dicho urna!”, sra. A. Gunn a bisa riba su Facebook.

Marisol Lopez Tromp tambe a comenta acerca cu e ta imposibel pa haya 0 voto n’e urna unda Aquannette su persona mes, hunto cu su famia, a vota.

Pero asina mes, Glenn Thode a nenga e peticion pa un reconteo.