Secretario di Estado Raymond Knops ta bishitá Còrsou, Bonaire y Aruba

Secretario di Estado Raymond Knops (Asunto Interno y Relacionnan den Reino) ta haci bishita di trabou na Còrsou, Bonaire y Aruba, di 3 te ku 7 di jüli benidero.

E bishita di trabou ta kuminsá dia 3 di jüli na Còrsou, unda Knops lo hiba combersacion cu Promé Minister mr. Gilmar Pisas, e Vice Promé Minister sra. Ruthmilda Larmonie-Cecilia y Conseho di Minister. Un enkuentro cu Mgr. Luis Antonio Secco tambe ta riba e programa.

Dia 5 di jüli Secretario di Estado ta yega Bonaire, unda e lo hiba combersacion cu Gezaghèber mr. Edison Rijna y Secretario di isla sra. Wendy Pelk. Secretario di Estado lo bishitá Plenchi di Trabou y tambe e promé cumprador di un cas via Hypotheekgarantie Bonaire.

Ademas e ta bay Klein Bonaire hunto cu Stinapa, p’e mes mira progreso di e plantacion di 200 palma (sabalpalm). Un bishita na haf y pier tambe ta riba e programa.

E Secretario di Estado ta biaha pa Aruba dia 7 di jüli, unda e lo hiba combersacion cu Promé Minister demisionario sra. Evelyn Wever-Croes y tambe bishitá Aruba Aloe.