Bos Escolar 2021

Cu hopi cariño ami, Addonsito Croes, ta felicita juffrouw Edselin Figaroa y e comision di mayornan di Muchanan Sabi. Recientemente mi tabata MC p’e 4 shownan di Bos Escolar 2021 den Cas di Cultura. Tabata 4 funcion di 3 ora cada un y e mas cu 50 cantante infantil y hubenil a ricibi aplauso grandi di e publico cu tabata presente.

Danki n’e casnan comercial y fundacionnan cu a sa di sostene e festival. E ganadornan absoluto a ricibi tur 4 sumanan bunita pa nan scol. Cada participante a ricibi regalo y recuerdo pa nan participacion. Danki tambe na Telearuba, cu a sa di transmiti e Festival di Canto pa henter Aruba por a disfruta di Bos Escolar 2021. Sigur mi ta felicita y gradici tambe cada miembro di hurado cu a coopera cu e festival.

Ta pidi un y tur pa keda pendiente como cu e siguiente paso ta e “Bos Escolar ABC”!  Un biaha mas danki Edselyn Figaroa y team pa a permitimi dirigi e evento bunita y unico aki. Pabien cada participante y ganador!