Gobierno no tin motibo mas pa tene medidanan di Covid vigente

Despues di mira comportacion di partidonan politico, incluso di Gobierno mes, Frans Ponson, Presidente di Comerciante Uni Aruba, riba nan pagina di Facebook, a comenta cu Gobierno tin cu kita tur medida di Covid-19 awor.

A nota con a core parada cu trailer compaña p’un jump up di hende sin laga afo e bebemento. Tur esaki a pasa diadomingo ultimo, mientras cu ainda tin reglanan di Covid-19 vigente.

Keto bay negoshinan tin cu sera 11:00 pm y cu no por tin mas cu dies persona na mesa. Frans Ponson a haya varios reaccion di e comerciantenan, unda cu tur rason ta di opinion cu, no tin base legal mas pa mantene e medidanan existente.

Ta di lamenta con e forma di campaña a bay y mientras cu di otro banda di reparti multa n’e restaurantnan cu tin diesun persona na mesa, mientras cu ta dies so ta permiti. Ta spera cu hopi pronto Gobierno sali y elimina tur e medidadan aki.