Resultado di tercer rond Campeonato di Dam di Aruba

Diarazon anochi a tuma lugar e tercer rond di e Campeonato di dam di Aruba. Elogio (Looi) a gana di Ricky Nisbet.  Dor di un fout den e programacion di e oloshi, ningun di dos hungador tabata hañando e 30 seconde extra. Looi a haña su mes den pura pa haci algun zet masha liher. Ricky cu si tabatin tempo, a sigui e ehemple di Looi dor di hunga liher, pero a comete eror y a perde e partida.

Ricardo a perde di Annelaine.  Annelaine tambe tabata den tijdnood, pero su oloshi si ta funciona bon, y tabata haña su 30 secondenan extra despues di cada hugada.

E partido entre Rolin Croes y Eugenio Filiciana a wordo uitgesteld, dor cu Eugenio no tabata por e anochi ey.

Mario Jansen a gana di e hoben Obi Tromp, Octavio Croes a gana di Dennis Kelly, Hector Gonzalez a gana di Chester Berkel y Delber Alexander a gana di Daniel Diaz.

Despues di 3 rond, un persona so tin 6 punto cu 3 wega hunga. Esaki ta Mario Jansen. Na di dos lugar nos ta haña nos nestor di torneo Delbert Alexander cu 5 punto for di 3 partido.

Despues ta sigui nos unico hungador femenino Annelaine Jacobs cu 4 punto for di 2 partido. Tin mas hungador cu 4 punto, pero for di 3 wega hunga.

Otro siman dia 7 di Juli lo topa otro:

Ricky Nisbet – Daniel Diaz, Chester Berkel – Delbert Alexander,  Dennis Kelly – Hector Winterdal,  Obi Tromp – Octavio Croes,  Eugenio Filiciana – Mario Jansen,  Annelaine Jacobs – Rolin Croes y  Elogio Croes – Ricardo Wever.

E weganan ta start pa 7:00pm en punto. Exito na tur e hungadornan.