Segun ultimo reportahe: Aruba a cumpli cabalmente cu palabracionnan cu Hulanda, Kòrsou y Sint Maarten ta negativo

E reportahe con Gobièrnonan di Aruba, Còrsou y Sint Maarten como paisnan autónomo den Reino ta cumpli cu palabracionnan den e programa di pakete di medida pa nos saca pia for di lodo, Aruba ta haña casi “10 met een griffel” riba rapòrt serca Hulanda.

E conclusion ta cu por lo general, e diferencia den dinamica con ta ehecutá e plannan ta diferente loke ta pone cu mester traha segun planificacion nobo.

E reportahe ta kubri e promé mitar aña 2021 con a cumpli cu palabracion di ehecucion di e medidanan.

E tres paisnan autónomo a haci palabracion concreto cu Hulanda con ta planificá y ehecutá e proyectonan.

A palabra pa ki dia nan kier logra resultado, pero ta notabel con cada isla ta desplegá e dinamica pa logra e metanan.

Aruba ta sigi e programa di ehecucion al pie de la letra y ta pone e pasonan concreto pa logra resultado cu nan a pone nan dilanti den e di dos kwartal di e aña’ki.

Aruba a logra practicamente tur e metanan cu nan a pone den promé seis luna di e aña’ki. Ehecucion di e programa di medida na Còrsou a produci un bista totalmente diferente.

Hopi di e proyectonan tin tardansa pa motibo, pero no solamente pa falta di inclaridad riba e puntonan di bista di e coalision nobo cu pueblo a scoge yt nan opinion riba e proyectonan, pero principalmente inclaridad riba COHO cu ta un Ley di Consenso di Reino.

Hulanda a schòrs e yudansa financiero, pero a reanudá esaki e siman aki pa motibo cu nan tabatin masha problema pe manera cu Gobierno di Sint Maarten a manehá e problema di Aeropuerto di Sint Maarten.

A maneha e Aeropuerto contra reglanan di bon gobernacion y ora cu Hunta di Supervision a core cu e Director, Gobierno a duna òrdo pa poné bèk na su lugar. Nan a traha sí riba e programa di proyecto, pero no a logra tur.

Cu poco palabra: Ta dificil bisa con lo bay e di dos mitar di e aña aki.

Tur cos ta dependé di resultado di e combersacionnan cu Raymond Knops ta hibando den e dianan aki cu Còrsou y Sint Maarten.