Xpresa bo mes: Ley ta conta pa tur hende?

Hopi hende ta puntra di con DTZ no a actua contra Canal 22 (Tele-MEP), na unda un par di dia prome cu eleccion a pasa un documentario di Evelyn Wever-Croes di casi dos ora largo!!

E documentario en cuestion ta nada mas cu un “propaganda politico” pa Evelyn, pa colmo paga cu fondonan publico of fo’i saco di Papa! Esaki mester wordo investiga ainda!!

Ainda Nel y otro candidatonan di MEP ta puntra nan mes di con Evelyn sí a bay mas cu 4000 mil voto(!!) dilanti, mientras tur otro candidato di MEP a bay enormemente atras?!!

Otro radio-emisoranan sí ta wordo bon vigila pa no pasa ningun seconde over di propagandanan politico. Casualmente durante ultimo eleccion na Hulanda a pasa un caso similar, na unda VPRO (lesa NPO) a coopera cu lider di D-66, Sigrid Kaag pa pasa un documentario (aki nan sí cu fondonan publico !!) di su persona y esaki un par di dia prome cu eleccion!!

Varios partido politico na Hulanda ta exigi awor eleccion nobo!! Un cos ta sigur: E ultimo eleccion aki na Aruba mescos cu na Hulanda a wordo influencia inhustamente! No tabata tarea di Glenn Thodé pa cuestiona e asunto di e asina yama “documentario” di Evelyn, cu ta claramente un “propaganda politico”?!!

Ta prefera haci beheit riba un reconteo di 900 invalido, cual ta husto!! Pakico Evelyn sí por haya dos ora di “propaganda politico” na television dos dia prome cu eleccion y otro partidonan no !!