Chauffeur burachi a duna Polisnan hard time momento cu mester a subi’e den e transportwagen

Diahuebs anochi un automobilista atento a spot un Nissan Tiida coriendo masha malo mes riba e rotonde di Paradera direccion Sero Patrishi. Manera cu e auto tabata bay riba su man robes tabata obvio cu e chauffeur ta burachi.

Mesora a avisa Central di Polis, mientrastanto e ciudadano a sigui e auto y a keda bashe cu pito, pa avisando e trafico contrario unda cu na varios ocasiona hera dal frontal.

Yegando Paperclip Rotonde e Nissan Tiida a subi Watty Vos Boulevard, aki el a cuminsa bay direccion rotonde nobo di Tanki Leendert, constante halando di un banda pa otro.

Na yegada di rotonde di Tanki Leendert un tiki mas el a contra e muraya traha riba e rotonde. Eynan e la kita bay rechts/nort o sea direccion p’e otro rotonde di Tanki Leendert.

Eynan el a baha caminda, parando pariba di caminda. Aki e ciudadano su tras a baha core bay n’e auto y ta switch esaki off y ta kita e yabi.

Mientrastanto den leu por a mira e patruyanan di Polis biniendo cu velocidad halto.

Mesora e agentenan a baha y a detene e chauffeur kende tabata pata pata. Mirando cu e ta un persona di edad Polisnan a papia cu ne.

Problema a start ora a bay sake di e auto p’e subi transportwagen cu a yega. E ora Polisnan a bira ripara cu e chauffeur tin problema cu su pianan y el a bisa nan tambe. Den e auto tabatin un wandelstok. 

Polisnan a pasa basta rato pa por a subi’e den e transportwagen, debi cu fuera cu e ta burachi y cu problema di pia el a “laga bay”. El a bay af, y aki tabata unda el a bira fastioso pa a hinke den e vehiculo dor cu el a susha full su curpa. Despues di basta rato a logra rek e y pone drumi den e transportwagen y hibe warda. Eynan agentenan despues mester a bay haci e transportwagen completamente limpi, dor cu el a keda tur na sushi humano.