Family Justice Center a keda estableci na Aruba

Como parti di establecimento di un Family Justice Center (FJC) na Aruba, representantenan di European Family Justice Center Alliance (EFJCA), FIER Nederland y Signs of Safety a haci un bishita di trabao na Aruba.

Gobernador, Alfonso Boekhoudt, diahuebs 1 di juli 2021 a ricibi e delegacion pa un audiencia na Cas Ceremonial di Gobernador.

Lo realisa un centro multidisciplinario unda cu, for di un solo localidad, instancianan di husticia y di ayudo ta duna servicio na victimanan di violencia domestico, di abuso infantil y di violencia sexual.

Durante di e audiencia, a informa Gobernador tocante di e historia, e metanan, e resultadonan cu ya a logra y e plannan pa futuro.

(Potret: © Kabinet Gouverneur Aruba)