Fundacion Atelier ’89 a sigui opera y a surpasa Covid 19

Fundacion Ateliers ‘89 Punto di Beyas Arte Aruba, trahando pa 16 aña largo a keda opera durante pandemia, enfrentando y surpasando e barera cu Covid19 a bin cune. Ateliers ‘89 nunca a stop di funciona como e punto di beyas arte na Aruba.

Nos ta unico organisacion cu a duna tayer online p’asina sigui ofrece diferente disciplina di arte n’esnan interesa den mundo di arte y asina comparti cu nan, nos experticio den conocimiento di arte contemporaneo cu nos mesun artistanan Arubano di Ateliers ‘89, gratuitamente. Tur aña nos ta presenta nos desfile di moda den grandi, apesar cu tur medida di Covid19, nos a adapta n’e normanan nobo.

Cu un gran colaboracion di Check Point Color, y Semi Chahmi, bou direccion di Chelsea Peterson nos a presenta pa di prome biaha un online video fashion show, y lustrando den forma unico aki tur e creacionnan fantastico di moda cu wordo crea p’e participantenan.

Cu aporte di Mondrian Funds pa Covid, Ateliers ‘89 a ta logra yuda 17 artista di Ateliers ‘89 cu un subsidio generoso y asina tambe invitanan pa participa y crea e exposicion yama P A N.

PAN ta Dios di Pandemia, tambe Dios di Artistanan. PAN tambe t’e pan cu Artistanan no haña durante Covid 19. Referiendo n’esaki a puntra artistanan pa traha obra cu tin di haber cu concepto aki, unda cu lo wordo mira den exposicion trabou di diferente artista cu e tema aki. E artistanan a wordo escogi no solamente pa nan obra, pero tambe paso nan t’e artistanan di Ateliers ‘89, bou di curadoria di su Sirector artista y curador Elvis Lopez.

Artistanan participando cu multi disciplina di arte manera; performance, video, fotografia, pintura, dibujo, instalacion y escultura.

Artista nan ta; 1.Velvet Zoe Ramos; 2. Anuar Habibe; 3. Jess Wolff; 4. Armando Goedgedrag; 5. Desiree Sporkslede; 6. Brunal Anaya; 7. Suyin Ridderstaat; 8. Samuel Sarmient: 9. Chelsea Peterson; 10.Danilo Geerman; 11. Natusha Croes; 12.Romelinda Maldonado; 13.Fernando Vermeer; 14.Sharelly Emanuelson; 15.Ken Wolff; 16.Irvin Aguilar y 17.Wilfred Jansen

Nos ta contento di por anuncia cu desde awe, nos lo reinventa nos mes cu un imagen completamente nobo, cambiando nos nomber, logo y website pa Punto di Beyas Arte Aruba.

Bista di nos edificio y sala mayor di exposicion cu dos mural nobo y borchinan di anuncio cu tin un QR riba nan cu lo conecta bo inmediatamente cu nos web site nobo. Cu un di magen completamente profesional, traha den un forma pa ta mas visualmente atractivo y facil di encontra cualkier informacion di nos organisacion.

Mencionando tur actividad cu nos tabatin den pasado, presente y futuro, un website educativo unda no solamente bo ta haña sa tur loke nos ta representa, pero tambe por conoce e artistanan y obranan cu ta wordo traha den nos workshopnan. Punto como e punto di encuentro y e centro cu nos a bin di ta p’e arte contemporaneo, su educacion, salanan di exhibicion, sala di teatro Black Box, Arte den Bario, artista den residencia y Caribbean Linked, pa nos hobenan, artistanan y amantenan di arte en general di Aruba.

Alabes dia 31 di juli nan a lansa, hunto cu Fresh Milk Barbados, ARC Inc, Sint Vincent and the Grenadines y otro i slanan di Caribe, cu cooperacion di Dj Adriano Nanof nans ONLINE CARIBBEAN LINKED VI, 2021. 30 di juli – 31 di augustus, cu conversacion pa publico.

Diamars 3, diaranson 11 di augustus pa 5pm. Presentando di e manera aki n’e publico Internacional y di Caribe e artistanan participante y curadornan.

Bou curadoria di Ethan Knowles escritor di Bahamas, Sofia Olascoaga curador, museo MUAC ciudad di Mexico, Miguel Lopez curador independiente Lima, Peru, hunto cu e artsistanan invita di Aruba, Romelinda Maldonado, Aruba Venezuela Samuel Sarmiento, Sint Martin Claudio Arnell, Barbados Taisha Carrington, Sint Vincent y Grenadines Akley Olton, Cuba Susana Pilar,

Cayman Islands John Remo Jackson, Puerto Rico Sarabel Santos Negron,Guadeloupe Beliza Troupe. Anticipando asina e presentacion en vivo na Aruba den 2022 di CARIBBEAN LINKED VI 2022 na Ateliers ‘89 Punto di Beyas Arte Aruba.

Tur esaki sin kita afor e fantastico workshopnan cu nos tin pa fin di aña 2021. Cu nombernan internacional manera, Ciro Abath (ceramica) Aruba, Dora Longo (pintura) Brasil, Alma Mathijsen (escritora) Hulanda y Jessie Koeiman (fotografia) Aruba Hulanda.

Bo persona ta keda cordialmente invita pa participa na tur nos eventonan aki y tambe na e prome evento di verano e gran apertura di e exposicion di artistanan di Ateliers ‘89, esta P A N, Gods Artists (in times of Covid) diadomingo 11 juli, 2021 – 8:00pm. – entrada gratis.