Stichting Reclassering en Jeugdbescherming ta determina pa logra su meta

For di dia 8 di mei 2021, Stichting Reclassering en Jeugdbescherming a lansa un recaudacion pa por yega

na suficiente fondo pa inverti den 60 laptop, pa 60 hoben den necesidad. E organisacion a stipula un

periodo di 60 dia pa yega n’e suma of cantidad di material necesario, pues pa dia 7 di juli 2021.

Stichting Reclassering Aruba no ta solamente ehecuta e trabao di guia y reintegracion di clientenan

hoben y adulto, pero tin como meta tambe pa yuda kibra e ciclo di criminalidad pa medio di

concientisacion y prevencion.

Educacion t’e mihor prevencion contra pobreza y criminalidad. Estudionan ta mustra cu

studiantenan cu tin nan mesun tecnologia y material di scol, no solamente ta haya mihor punto na

scol, pero tambe ta crea un actitud mas positivo pa cu siñamento, ta mehora nan comportacion en

general y nan imagen propio.

Den nan trabao diario, e trahadornan social di Stichting Reclassering Aruba a nota cu un grupo di

hoben particularmente vulnerabel t’esnan entre 11 – 13 aña di edad cu a net caba cu scol basico y

ta bay cuminsa scol secundario.

E etapa aki den un hoben su bida ta trece hopi cambio, responsabilidad y influencia externo. Un hoben cu tin e recursonan y sosten necesario pa enfoca riba su educacion, tin menos chens di desvia riba mal caminda.

P’e motibo aki e team di Stichting Reclassering en Jeugdbescherming a opta pa no celebra nan di

60 aniversario den forma festivo, sinembargo, a dicidi pa inverti e fondo di celebracion den un

causa cu ta beneficia e grupo specifico aki. Cu e pensamento; ‘Menos hoben den man di husticia, ta

nifica menos criminalidad y mas trankilidad riba nos isla’.

Lamentablemente, faltando menos cu 1 siman pa yega n’e fecha stipula, Stichting Reclassering en

Jeugdbescherming no a logra yega n’e suma necesario ainda. E organisacion ta consciente di e

situacion economico actual y sigur kier gradici tur compania y persona cu a contribui te cu awor. E

fundacion ta determina pa logra e meta nan dilanti y ta urgi companianan pa considera e peticion

aki. Donacion ta posibel den forma monetario of material.

Stichting Reclassering en Jeugdbescherming ArubaCaya Ernesto Petronia 21c – CMB 61178310 – Descripcion: 60 aniversario