Konmemorashon Nashonal di pasado di sklabitut

E marka di un katibu tabata  un logo ku tres lèter, trahá di heru i  di mas o menos 4 sentimeter di tamaño. Riba dje ta para “WIC”. Ku e heru kayente aki, West-Indische Compagnie tabata marka homber, muhé i mucha ku a bira katibu meskos ku bestia.

Esaki tabata sosode dor di hunta nan suero ku zeta i preshoná e heru kayente riba e kurpa. Tabata hasi e herida limpi ku awa di lamunchi i polvo.

Esun ku pasa den esaki awor tabata propiedat di otro persona i rekonosibel inmediatamente den kaso di un intento di eskape. E personanan sklavisá no solamente a pèrdè nan kurpa. Nan a pèrdè nan nomber tambe.

Mester a pone e nòmber Afrikano ku bo mayornan a duna bo ku amor pa traha lugar pa otro nomber, ku p’e doño di katibu tabata fasil pa pronunsiá.

For di awó, bo tabata yama Klaas, Jan of Eva. Esnan ku tabata bendí di nobo na un siguiente propietario di katibu, hopi biaha tabata haña un nomber diferente. Tabata kima un logo nobo riba nan kurpa.

Un katibu no tabata mas ku merkansia

A hiba diesun mion hende sklavisá otro banda di Oseano Atlantiko.  Mas o menos 445.000 di nan a terminá den e kolonianan Hulandes. Un kantidat deskonosi a muri na kaminda.

Siman pasa a konmemorá i selebrá ku 158 aña pasa, dia 1 di iuli 1863, Hulanda a abolí sklabitut ofisialmente na Surinam i anteriormente Antias Hulandes.  Realmente sklabitut no a kaba e tempu ei ainda, e hendenan aki mester a sigui traha riba e plantashinan pa 10 aña mas.

Nos por mira e pasado di sklabitut aki solamente ku horor, repentimentu i bèrgwensa. Un pasado ku nos tur ta konektá ku ne. Konsientemente of inkonsientemente. Kla of juist skondi den un historia familiar deskonosi. No ta un señal di debilidat pa nos duna kuenta di esaki. Asina demokrasia ta demostra su forsa. Enfrentando nos pasado, nos por kambia nos futuro. Esaki no ta un luho, sino un nesesidat.

Anton de Kom a skirbi: “Ningun pueblo por iega na pleno madures, sin un sentido di inferioridat hereditario”. De Kom a señal e horor di sklabitut i rasismo, pero gobiernu Hulandes no a trat’e bon. P’esei e meresé reparashon di su honor. Tres aña pasa, mi tambe tabata na e lugá aki. Si mi mira patras, mi ta wak ki paso a tuma for di e tempu el. Tambe mi por wak kuantu kos mas mester sosode. Despues di e morto violento di George Floid aña pasa, desénas di miónes di hende a subi kaia rònt mundu. Tambe na Hulanda. Nan a duna di konosé klaramente ku e venenu di rasismo ainda no a disparse di nos sosiedat. Un diskushon a sende, ku lo no paga mas. Ningun hende kier pa iam’e rasista, pero ku esei so nos no por eliminá rasismo i diskriminashon. Tin ora odio i prewisio ta facil pa señalá. Hopi biaha ta mas sutil. E mi-no-sa-di-kuantu rechaso pa un stage of trabou. Ser rechasá na porta di un club. Personal di siguridat ku ta sigui bo den un tienda. E kadenanan a kibra e tempu ei, pero ainda tin un kaminda largu pa kana. Como gobièrnu, nos mester ta mas adelantá ku esaki. Nos lo investiga i kombati e señalnan den komunidat di kualkier forma di eksklushon i marginashon, sea skondí of abierto. Esaki nos ta hasi ku aiudo di un Komishon di Estado i un Koordinador Nacional kontra Diskriminashon i Rasismo. Na 2023, tambe, nos kier konmemorá di un manera grandi i digno ku sklabitut berdaderamente a kaba mas di 150 aña pasa, na aña 1873. Awe, Adviescollege Dialoog Slavernijverleden (Konseho di Dialogo di Pasado di Sklavitut), krea pa e gabinete, a presentá su konseho. E ta sugeri pa historia di sklabitut forma parti di nos memoria colectivos: ku investigacion tokante papel di gobiernu nacional, edukashon i un museo dediká na sklabitut. Tambe e hunta ta pidi un dia nacional di konmemorashon. No por ultimo, e Adviescollege kier un diskulpa di gobiernu. E opinionnan aki ta interesante i no pa malinterpreta. No tin manera di evita esaki. Nan ta akoplá na e urgensia ku mi ta sinti.