Daihatsu a perde control y cay den rooi for di Watty Vos Boulevard

Diasabra atardi Polis a bay riba Watty Vos Boulevard, unda na altura di Cumana un auto a cay di e caminda. E vehiculo lo a perde control y a pasa over di e vangrail bay cay algun meter mas abou.

Segun nos a compronde e auto a bolter pa despues cay bek riba su wielnan, kedando totallos.

Ningun persona a resulta herida. Polisnan cu a yega tabata sorprendi di locual nan tabata mirando.