Departamento di Aduana confronta cu problema tecnico

Ayera Departamento di Aduana ta purba uza su sistema, pero esaki ta fayando cada rato.

E faya a bin como consecuencia di e black-out di diasabra ultimo. Nan ta haci tur cu nan por pa localisa e faya djey coregi esaki.

E ta tumando mas tempo cu a clacula y p’e motibo ey ta haya su mes obliga pa informa su clientela y pueblo di Aruba en general cu temporalmente Departamento di Aduana no por brinda su servicio manera custumber.

Ta spera cu pa oranan di awe tempran a logra identifica y soluciana e problema. 

Mientrastanto nos ta pidi tur hende, clientela y Aruba en general, poco comprension p’e situacion inespera cu pronto nan ta soluciona.