Knops mes ta anhelá pa manda e plaka Kòrsou

WILLEMSTAD – Ayera mainta Sekretario di Estado Raymond Knops a kombersá ku prensa lokal tokante motibu di su bishita na Kòrsou i tabatin elogio pe manera dinamiko ku gabinete Pisas a piki e kontaktonan pa kontinuashon realisá e pasonan pa yega na un akuerdo riba e siguiente tranche di plaka pa yuda paga salario di amtenarnan i yuda empresarionan paga salario fin di luna.

Klaramente por a nota ku e mandatario ku nan a zundra pa tur sorto di kos a mustra su disposishon pa duna òrdu pa manda plaka Kòrsou, pero el a para’riba ku Kòrsou mester kumpli ku palabrashon riba medidanan ku mester tuma i no bira derrière pa saka kurpa.

Importante ta p’e Parlamento nobo dikta su opinion riba e debate i e reunion a pasa i lo por fiha ki dia ta outorisá e transakshon.

Mester hasi purá, pasobra pronto ta tempu di fakansi i e timnan ku ta negoshando por keda kla, pero no falta boluntat i nan ta konvensi ku algu mester sosode.

Ta na Pisas a bin ku proposishon i kada bes ku bin ku tranche nobo ta revisa loke a hasi.

Den su karta Knops a skirbi pa Pisas kaminda el a pidi aprobashon di Gobiernu plus Parlamento i kual ta rekonfirmashon dje palabrashon politiko.

No mester tin inklaridat i mester ehekutá loke a palabrá pero Knops ta positivo.

Na final Knops a eksperiensiando un bon bishita i ku e kontaktonan ta util pa yega na un final felis.

E mes ta yegando final di su periodo komo Sekretario di Estado i ta importante pa e relashonnan ta humano.

Lo e sinti falta dje relashon aki si e no bin bèk komo mandatario.

Pisas a gradisi Knops pa su bishita i el a haña un impreshon totalmente diferente i a gradicié i a gradisi prensa ku a duna nan espasio siendo ku den poko tempu tin ku tuma desishonnan hopi tòf pasobra nos situashon ta hopi serio.

Mester sòru pa kompanianan di Gobiernu i onderstant i ta mará na fecha nobo pa siguiente tranche.

Ayera mes Promé Minister Pisas a tuma kontakto ku su koleganan na Aruba i Sint Maarten, pero mientrastantu a formalisá e dos timnan ku tin ku diskuti e puntonan ku tin ku negosha riba dje pa loke ta COHO. E diskushon mester mester terminá 3 september.

Knops a splika ku despues di elekshon e tabatin kontakto ku Rhuggenaath, pero ku Pik Pisas tambe pa diskuti e trayekto ku mester kana i e traspaso di gobernashon ku a bai bon.

El a splika ku Hulanda a pidi un palabrashon di tantu Gobiernu i Parlamento riba e di seis tranche riba kual mester tin akuerdo teniendo kuenta ku opservashon si tur partido.

Mester pura wèl, pasobra te ainda Hulanda a pone 800 mion florin disponibel pa Korsou, pero ku mester ta debidamente dokumenta i mester konta ku aprobashon di Parlamento.

Ayera Knops a bishita Bandabou kaminda el a mira kara di pobresa na Kòrsou i el a bishita kas di famia, pero ku pa mala suerte awor ta den pobresa sin perspektiva.

Te ainda no tin akuerdo riba COHO i esei ta tuma lugar 3 di september, pero nos ta haña alivio pa kumpli ku nesesidat di trahadornan i ònderstant i ta split esaki na kantidat di kondishon ku Hulanda a pone i despues tin ku yega na akuerdo riba COHO.

Korsou a kumpli ku tur kondishon pa haña e parti di e seis tranche i e sèn ta disponibel.

Un dje kondishonnan ta pa Korsou lo hasi tur kos posibel pa keda den e kuadro di tempu, pasobra Parlamento Hulandes tin ku akordá esei.

Pisas a enfatisá ku e kos aki ta trata di reforma di Korsou.

Tabatin un opservashon ku Korsou mester hasi konseshon pa bin na remarke pa haña sèn, pero ta kua konseshon Hulanda ta hasi.

E mandatario a splika ku Landspakket i COHO ta dos kos riba kual ta yega na akuerdo ku ta bai Raad van State.

Pero el a sali den publisidat i no tur hende ta kompronde i einan e konfushon a kuminsa, pero awor ta kla ku na final final e desishon ta den man di Parlamento.